NEAR-ийн хэрэг эрхлэх газрын Олон улсын хамтын ажиллагааны хэлтсийн ахлагч Чэ Жү Хуад  олон улсын хамтын ажиллагааг идэвхжүүлэхэд оруулсан хувь нэмрийг үнэлж, NEAR-ийн тэргүүлэгч, БНСУ-ын Үльсан хотын захирагчийн нэрэмжит өргөмжлөл гардуулав. 

Үльсан хот 2008 онд NEAR Холбоонд гишүүнээр элссэнээс хойш Бүгд хурал гм NEAR -ийн хурал, арга хэмжээнд идэвхтэй оролцож 2021 оноос эхлэн Олон улсын хамтын ажиллагааны хэлтсийн даргын үүргийг гүйцэтгэн, NEAR-ийн гишүүн орон нутгуудын харилцаа, хамтын ажиллагааг идэвхжүүлэн  ажиллаж байна.

Цаашид NEAR-ийн Хэрэг эрхлэх газар нь гишүүн орон нутгуудын харилцааг улам идэвхжүүлж, Зүүн Хойд Азийн хамтын хөгжил цэцэглэлтийн төлөө хичээж ажиллах болно.