12 дугаар сарын 21-ний өдөр ЗХАНЗХ-ны Хэрэг эрхлэх газарт Монгол улс болон БНХАУ-аас томилогдон ажиллаж буй төрийн албан хаагчид Пухан хотын ахлах сургуулиар айлчилж өөрийн улсын соёл, ёс заншлын талаар танилцуулав.
Тухайлбал тус сургуулийн дэргэдэх ’’Олон улстай танилцах клуб’’-ын үйл ажиллагаанд оролцож, клубын гишүүд болон олон улсын асуудлыг сонирхон судалдаг 30 сурагчдад өөрийн улсын тухай мэдээлэл өгч танилцуулсан юм. Дараагаар нь сурагчид өөрсдийн сонирхсон зүйлийг асууж, асуулт хариултын бяцхан тэмцээн зохион байгуулан мэдлэгээ бататгалаа. Тус газраас цаашид ч Пухан хотын хүүхэд залуучуудад олон улсын талаарх ойлголт, мэдлэгийг нэмэгдүүлэхэд чиглэгдсэн энэхүү хөтөлбөрийг үргэлжлүүлэн хэрэгжүүлэх болно.