3 дугаар сарын 24-ний өдөр Ерөнхий нарийн бичгийн дарга Жон Жэ Вон Гёнжү хот дахь Дунгүг их сургуулийн их танхимд цугласан 300 гаруй оюутанд “Зүүн хойд Азийн нөхцөл байдал ба бидний явах зам”сэдвээр илтгэл тавив. Тэрээр илтгэлдээ NEAR Холбоо болон дипломат албанд ажилласан туршлагадаа тулгуурлан Зүүн хойд Азийн газарзүй улстөрийн байдал, цаг үеийн өөрчлөлт, гадаадын оюутнууд Зүүн хойд Азийн орнуудад голчлон сурч буй тухай бодит мэдээлэлд үндэслэн ойлгомжтойгоор тайлбарлав. Илтгэлийнхээ төгсгөлд “Хулс модны үр 5 жил болоод өдөрт 80 см ургадаг шиг та бүхэн ч сайтар бэлтгэлтэй тэвчээртэй хичээх юм бол сайн үр дүнд хүрэх тул ирээдүйд бэлтгэлтэй байхыг хүсье” гэв.