Ерөнхий нарийн бичгийн дарга Им Бён Жин 5 сарын 19-ний өдөр Сөүл дэх Солонгосын Хэвлэлийн хүрээлэнд "Орон нутгийн дипломат харилцааны эрин үеийн даяаршсан орон нутгийн(Glocal Brand) стратеги” сэдвийн дор зохион байгуулагдсан “Бүс нутгийн дипломат харилцааны анхдугаар форум 2023”-д оролцов. Энэ нь орон нутгийн дипломат харилцааны ач холбогдлыг сурталчлах зорилгоор эрдэм шинжилгээний хүрээлэн орон нутгийн засаг захиргаанаас эхний жилдээ зохион байгуулж буй форум уулзалт юм. 

Тус форумд Ерөнхий нарийн бичгийн дарга Им Бён Жин "Орон нутгийн дипломат харилцааны стратеги ба институтийн төлөвлөгөө” сэдэвт хэлэлцүүлэгт  оролцож, сүүлийн 27 жилийн турш Зүүн хойд Азийн олон талт орон нутгийн дипломат харилцааны төлөө тууштай ажиллаж ирсэн NEAR-ийн үйл ажиллагаа, онцлог болон орон нутгийн засаг захиргаа, хоорондын олон талт харилцааны үүргийг танилцуулав. 

Тэрээр форумын нээлтийн үеэр Сөүл хотын дарга У Сэ Хүн, Ерөнхийлөгчийн дэргэдэх Үндэсний тэнцвэртэй хөгжлийн комиссын дарга Ү Дун Ги, Хотын дарга буюу дүүргийн дарга нарын зөвлөлийн дарга Жу Жэ Гү,  БНСУ-ын  Гадаад хэргийн яамны тэргүүн Карлос Виктор Бүнгү болон Бүс нутгуудын тэргүүлэгч нарын холбооны ерөнхий нарийн бичгийн дарга Ю Мин Бун нартай мэндчилэв.  

Им дарга Сөүл хотын дарга У Сэ Хүнд хандан БНСУ-ын NEAR-д нэгдээгүй цорын ганц гишүүн орон нутаг болох Сөүл хотын оролцоог онцгойлон дурдаж, цаашид энэ асуудлаар Сөүл хотын захиргаатай зөвшилцөхөөр төлөвлөж байгаагаа илэрхийлэв.