NEAR-ийн Ерөнхий нарийн бичгийн дарга 11 дүгээр сарын 7-ны пүрэв гаригт Дэгү-Хөнгөн атлетикийн мастеруудын дэлхийн аварга шалгаруулах тэмцээнийг зохион байгуулах хорооны Ерөнхий нарийн бичгийн дарга Жин Ги Хүн (Дэгү хотын Олон улсын харилцааны элчин сайд асан)-ийг хүлээн авч уулзаж, хамтын ажиллагааны талаар санал солилцлоо.
Ерөнхий нарийн бичгийн дарга Жин Ги Хун Дэгү хотод 2026 оны 8 дугаар сард Хөнгөн атлетикийн мастеруудын дэлхийн аварга шалгаруулах тэмцээнийг зохион байгуулахаар төлөвлөж байгаа бөгөөд NEAR-ийн гишүүн орнуудын орон нутгуудад тус тэмцээнийг сурталчлах, оролцоог дэмжин ажиллахыг хүсэв.
Зүүн Хойд Азийн Нутгийн Захиргаадын Холбоо (NEAR) нь △Бүгд хурал, △Дээд түвшний ажлын хэсгийн хурал, △Гишүүн орон нутгуудын хурал, △Хороодын үйл ажиллагаа зэргийг идэвхжүүлснээрээ Зүүн хойд Азийн орон нутгийн засаг захиргааны хамгийн том олон талт харилцааны платформ болсныг Ерөнхий нарийн бичгийн дарга Им Бён Жин дурдаж, NEAR-ийн харьяа салбар хороо болох Биеийн тамирын хороогоор дамжуулан Дэгүгийн дэлхийн мастеруудын хөнгөн атлетикийн аварга шалгаруулах тэмцээнийг амжилттай зохион байгуулахад гишүүн орон нутгуудын оролцоог хангах, сурталчлах замаар идэвхтэй дэмжлэг үзүүлнэ гэдгээ мэдэгдэв.
2026 оны 8-р сарын 22-ны өдрөөс 9-р сарын 3-ны өдрийг хүртэл болох Дэгү Хөнгөн атлетикийн мастеруудын дэлхийн аварга шалгаруулах тэмцээн нь Дэгү хотын цэнгэлдэх хүрээлэнд болох бөгөөд тус тэмцээнд 35 болон түүнээс дээш насны хүн бүр оролцох боломжтой юм. Тэмцээнийг зохион байгуулах хороо нь дэлхийн 90 гаруй улсаас спортын 35 төрлөөр 11000 орчим тамирчдыг оролцуулахаар бэлтгэж байна.