4 сарын 15-ны өдөр Сөүл хотноо болсон Хятад, Солонгос, Япон 3 улсын корпорацийн Олон улсын форумд оролцсон ба Солонгос үндэстний эдийн засгийн нэгдсэн холбоо(TCS)-ны удирдах зөвлөлийн дарга Ким Сан Дог, Зүүн хойд Азийн хамтын нийгэмлэгийн судалгааны сан(NACSI)-гийн удирдах зөвлөлийн дарга Ли Сэн Юл, Европын аюулгүй байдлын хамтын ажиллагааны байгууллага(OSCE)-ын төлөөлөгч Томас Вүхттэй уулзав. Мөн энэ өдөр TCS байгууллагын холбогдох хүмүүст NEAR Холбооны танилцуулга ном гардуулан Зүүн хойд азийн харилцааг нэмэгдүүлэхэд идэвхтэй хамтран ажиллахыг хүсэв. “Олон шинж бүхий интеграци-Зүүн хойд Азийн хамтын нийгэмлэгийн зарчим” сэдвээр зохиогдсон энэхүү форум 4 ангилалаар илтгэл хэлэлцүүлэг болов. Уг форумд Монгол улс, ОХУ-ын Элчин сайд нараас гадна Японы олон улсын харилцааны сангийн зөвлөх, Хятад, Солонгос, Японы их дээд сургуулийн багш нар оролцлоо.