2014 оны 12 сарын 30-ны өдөр ЗХАБНЗЗХ-ны Хэрэг эрхлэх газрын Ерөнхий нарийн бичгийн дарга Ким Жэ Хю болон орлогч дарга Ли Жун Хуаны ажиллах хугацаа дуусгавар болсонтой холбогдуулан тус газраас 2 даргыг үдэх ажиллагааг зохион байгуулав. Ерөнхий нарийн бичгийн дарга Ким Жэ Хю 2011 оны 5 сараас эхлэн ажиллах хугацаандаа Холбооны Хэрэг эрхлэх газрыг Кёнсанбүг мужид удаан хугацаанд байршуулах, БНСУ-ын Сэжун хот, БНХАУ-ын Жилинь муж, ОХУ-ын Хакасын БНУ-ыг Холбоонд гишүүнээр элсүүлэх болон Европын орон нутгийн холбоо(AER), Уур амьсгалын өөрчлөлтийн асуудлаарх үйл ажиллагааны дэлхийн орон нутгийн байгууллага(R20)-тай түншлэлийн харилцаа тогтоох зэргээр Холбооны үйл ажиллагаанд хувь нэмэр оруулсан юм.