NEAR холбооны тухай

Зүүн хойд Азийн харилцаа,
хамтын ажиллагааны цөм,
ЗҮҮН ХОЙД АЗИЙН НУТГИЙН ЗАХИРГААДЫН ХОЛБОО

NEAR холбооны тухай

NEAR холбоо буюу Зүүн хойд Азийн нутгийн захиргаадын холбоо (The Association of North East Asia Regional Goverments)

NEAR гэдэг нь Зүүн хойд Азийн нутгийн захиргаадын холбоо (The Association of North East Asia RegionalGoverments)–ны англи утгын товчлол бөгөөд ойр, дотно (near) гэсэн санааг давхар илтгэх болно.

NEAR бол

Зүүн хойд Азийн 6 улсын засаг захиргааны томхон нэгж өөрөөр хэлбэл муж, аймаг, бие даасан хотын гишүүнчлэлтэй орон нутгуудын харилцаа, хамтын ажиллагааны байгууллага юм. 1996 оны 9 сард байгуулагдсанаас хойш Монгол, Орос, Өмнөд Солонгос, Хойд Солонгос, Хятад, Япон 6 орны 81 орон нутаг гишүүнээр элссэн бөгөөд Зүүн хойд Азийн 700 сая хүн амыг хамрах ба 5 ажиглагч орон нутаг, олон улсын 3 байгууллага(AER, R20, ICLEI)-тай түншлэлийн харилцаа тогтоон хамтран ажиллаж байна.

Зорилго

Европ, Хойд Америкийн дараагаар дэлхийд 3-рт орох эдийн засгийн төв буюу дэлхийн төв болж буй Зүүн хойд Азид төрөл бүрийн салбарт харилцаа хамтын ажиллагааг явуулна.

“Харилцан ашигтай, тэгш эрхийн үндсэн дээр байгуулагдсан тус “Холбоо” нь Зүүн хойд Азийг хамтдаа хөгжүүлэх, гишүүн орон нутгийн захиргааны байгууллагуудын харилцаа, хамтын ажиллагааны сүлжээг байгуулж, харилцан ойлголцолд үндэслэсэн итгэлцлийг бий болгож улмаар дэлхийн энхтайвны үйл хэрэгт хувь нэмэр оруулахыг зорилго болгоно”.-Холбооны Үндсэн дүрмийн 1-р бүлэг, 1-2-р зүйл

Олон улсын хамтын ажиллагааны түнш

・ Хятадын Хэйлонжан мужийн харьяа Хэйлонжаны Нийгэм, Шинжлэх ухааны хүрээлэнтэй түншлэлийн харилцаа тогтоов(2017 оны 6 сарын 15-ны өдөр санамж бичигт гарын үсэг зурсан)
Хэйлонжан мужийн Нийгэм, Шинжлэх ухааны хүрээлэн нь 1979 онд байгуулагдсан Хятадын Хэйлонжан мужийн нийгэм, шинжлэх ухааны салбарын нэгдсэн судалгааны байгууллага бөгөөд бакалаврын дараах сургалтын байгууллага юм. 2018 онд Хэйлонжан мужийн Хөгжлийн судалгааны төв Хэйлонжан мужийн Үндэсний судалгааны төвтэй нэгдсэнээр судалгааны цар хүрээг тэлсэн бөгөөд дотоод гадаадын улс төр, эдийн засаг, хууль эрх зүй, түүх зэрэг асуудлыг судалдаг. Бүтэц зохион байгуулалтын хувьд 14 судалгааны институт, 8 факультет, 1 эрдэм шинжилгээний хэвлэлийн байгууллагатай.