5-р сарын 29-ний өдөр болсон Нигата мужийн сонгуульд одоогийн захирагч Хидэёо Ханазуми (нас 64) ялалт байгуулж, мужийн захирагчаар улиран сонгогдов. Тэрээр Японы Газар, дэд бүтэц, тээврийн яаманд ажиллахаас гадна Нигата мужийн захирагчийн орлогч, Далайн аюулгүй байдлын газрын дэд сайдын албыг тус тус хашиж байсан бөгөөд 4 жилийн өмнө орон нутгийн сонгуулиар мужийн захирагчид анх сонгогджээ.

Ноён Ханазүми "COVID-19-ийн тархалтын нөлөөнд нэрвэгдсэн эдийн засгийн үйл ажиллагааг сэргээх, мужийн иргэдийг аюулгүй орчинд амар тайван амьдрахад нэн тэргүүнд анхаарч ажиллахыг хүсч байна" гэв.

Нигата муж нь NEAR Холбоо байгуулагдахын өмнөх Зүүн Хойд Азийн Нутгийн Захиргаадын хурал байгуулагдах 1993 оноос эхлэн Зүүн хойд Азийн орон нутгуудын үйл ажиллагаанд оролцож, 1996 онд NEAR Холбоог үүсгэн байгуулахад хувь нэмрээ оруулсан бөгөөд 2021 онд COVID-19-ийн нөхцлөөс шалтгаалан Бүгд хуралд онлайнаар оролцсон.