NEAR-ийн Хэрэг эрхлэх газраас зохион байгуулсан 11 дэх удаагийн NEAR Хүүхдийн гар зургийн уралдаанд шагналт байр эзэлсэн Монгол сурагчдын шагналыг холбогдох орон нутаг руу нь шуудангаар явуулсаны дагуу дараах аймгуудын ЗДТГ-аас сурагчдийн шагналыг дамжуулан гардуулав. 

Өвөрхангай аймгийн Засаг даргийн үүргийг орлогч И.Доржсүрэн уралдааны тэргүүн байр, 3-р байр, тусгай байрыг эзэлсэн сурагчдад шагналыг гардуулав. 

Увс аймгийн Засаг дарга Ч.Чимэд уралдааны 2-р байр, тусгай байр эзэлсэн сурагчдад шагналыг гардуулав. 

Говь-Алтай аймгаас оролцож, 3-р байр эзэлсэн сурагчийн шагналыг Жаргалант сумын 100 жилийн ойд зориулсан баярын тоглолтод аавтайгаа оролцох үеэр нь сумийн Засаг дарга гардуулав. 

Энэ удаагийн уралдаанд Монгол улсаас 5 орон нутгийн 40 бүтээл ирсэн бөгөөд 1-р байрт 1, 2-р байрт 2, 3-р байрт 4, тусгай байрт 19 бүтээл шалгарав.