11 сарын 28-ны өдөр Инчон хотын Олон улсын харилцааны сан, Инчон хотын хөгжил, аялал жуулчлалын газраас хамтран “Инчон хотын өнгөрсөн, одоо, ирээдүй 2014” аялалын хөтөлбөр зохион байгуулсан юм. Уг хөтөлбөрт БНСУ-д үйл ажиллагаа явуулж буй олон улсын байгууллагын төлөөлөл холбогдох албаны хүмүүсийг урин оролцуулсан бөгөөд ялангуяа Инчон, Инчоны дагуул Сунду хотыг сурталчлан, солонгос үндэсний соёл уламжлалтай танилцах боломж олгосон Хөтөлбөр Инчон Сунду хотын танилцуулгаар эхэлж дараагаар нь 3G-Global tower” буюу Олон улсын байгууллагуудын төвөөр айлчлах, завиар аяласан. Мөн кимчи хийх, Oakwood, Nest зэрэг Инчоны өвөрмөц онцлогтой зочид буудлуудаар явж танилцсан. NEAR Холбооны Хэрэг эрхлэх газрын төлөөлөгчид уг хөтөлбөрт оролцохоос гадна Инчон хотын захиргааны холбогдох албаны хүмүүстэй уулзан санал бодол солилцсон. Энэхүү хөтөлбөрт оролцсоноор тус газрын гадаад ажилчид солонгос үндэсний хоол, уламжлалт соёлтой танилцаж, өргөн ойлголттой болж авав. Түүнээс гадна хөтөлбөр эхлэхийн өмнөх өдөр Кёнги мужийн Сүвон хотоор дайран Жусон улсын Жонжү их хааны үед баригдсан хааны ордон болон тухайн үед цэргийн сургуулилт байсан тулааны урлагийн тоглолт үзэв.