Тоттори муж ба Төв аймаг нь 1997 онд нөхөрлөлийн харилцаа тогтоосон юм. Харилцаа тогтоосны 10 жилийн ойг угтан Төв аймгийн Засаг дарга Энхбатаар ахлуулсан төлөөлөгчдийн бүрэлдэхүүн тус мужаар айлчлав. Тоттори мужийн захирагч төлөөлөгчдийн бүрэлдэхүүнийг хүлээн авч уулзаж дараагаар нь харилцааг  идэвхжүүлэх санамж бичигт гарын үсэг зурцгаав. Мөн энэ үеэр харилцааны түүхийг харуулсан үзэсгэлэн гарсан байна.

Харилцааны түүх

1. Төв аймгаас Тоттори мужид төрийн албан хаагч болон газар тариалангийн салбарт хүмүүс илгээн дадлагажуулж ирсэн.

2. 1998 онд байгуулагдсан Тоттори муж, Төв аймгийн найрамдлын нийгэмлэгээс нөхөрлөл, харилцааны хүрээнд харилцан хүн солилцох, сумод суралцах хүүхдүүдийг илгээх, аймгийн төвд япон хэлний сургалт явуулах, мал аж ахуйн болон гэр ахуйн гаралтай хог хаягдлыг бордоо болгон ашиглах технологи нэвтрүүлэх зэргээр иргэд хоорондын хамтын ажиллагааг идэвхтэй явуулж байна.